May
6
2018

19 траўня 2018 г. Дадатковы штогадовы з’езд Беларусаў Швецыі

Сябры! Згуртаванне Беларусы Швецыі запрашае на дадатковы Штогадовы Сход 2018. Сход адбудзецца ў суботу, 19 траўня 2018, пачатак а 17:00. Інфармацыя пра месца правядзення сходу будзе апублікаваная пазней.

Пытанні, якія будуць вырашацца падчас сходу:

1) Зацвярджэнне змен у статут, прынятых падчас штогадовага сходу ў сакавіку гэтага года, згодна з якімі старшыня ці скарбнік маюць права самастойна і незалежна адзін ад аднаго падпісваць дакументы ад імя арганізацыі.

2) Зацвярджэнне сяброўскага ўнёску.
Рада Беларусаў Швецыі прапануе знізіць памер сяброўскага ўнёску да 50 крон у год на чалавека. Рада таксама прапануе, калі чалавек плаціць унёсак у перыяд паміж 1 верасня і 31га снежня, то сяброўства працягваецца таксама наступны за гэтым часам каляндарны год.

Згодна са статутам арганізацыі падчас дадатковага штогадовага сходу толькі тыя пытанні разглядаюцца, для абмеркавання якіх збіраецца сход. Мовы сустрэчы – беларуская і швецкая.

Нагадваем, што права галасаваць падчас сходу маюць толькі афіцыйныя сябры арганізацыі, то бок тыя, хто сплаціў сяброўскі ўнёсак на бягучы каляндарны год. Вы можаце сплаціць унёсак пераводам на наш рахунак 5215-1086143 у SEB Bank, на BankGiro 725-0616 ці наяўнымі падчас сходу. На сённяшні дзень памер унёску – 100 крон.

Падрабязнасці – у Facebook падзее https://www.facebook.com/events/2052727365046842/

Запрашаем!

Mar
24
2018

Пратакол штогадовага з’езду 2018 (на швецкай мове)

2018_03_11 – Protokoll från Årsmöte 2018

2018_03_11 – Protokollsutdrag – Firmatecknare

Revisionsberättelse 2017

Balansrapport 2017

Mar
4
2018

Плaн правядзеньня штогадовага зьезду Беларусаў Швецыі ў 2018 годзе

План правядзення штогадовага з’езду Беларусаў Швецыі ў 2018 годзе:
1. Адкрыццё штогадовага з’езду (пытанне наконт правільна выкананай працэдуры склікання з’езду)
2. Зацверджанне павесткі дня
3. Абранне старшыні з’езду
4. Абранне сакратара з’езду
5. Абранне адказнага за падрыхтоўку пратакола з’езду
6. Справаздача аб дзейнасці
7. Эканамічная справаздача
8. Рэвізійная справаздача
9. Спыненне паўнамоцтваў рады
10. Абмеркаванне прапаноў з боку рады
11. Замацаванне сяброўскага ўзносу
12. Абранне
–a. Старшыні рады на адзін год
–b. Касіра
–c. Іншых сябраў рады, не меньш за 3, і не больш за 5 сяброў, плюс да 3 намеснікаў
–d. Камісіі па вылучэнні кандыдатаў
–e. Рэвізора
13. Іншыя выбары
–a. Сяброў, якія маюць права подпісу
14. Іншыя пытанні
–a. Адрас рэгістрацыі арганізацыі.
–b. Лакаль арганізацыі.
–c. Банкаўскі рахунак арганізацыі.
–d. Змены ў статут адносна падзялення права подпісу дакументаў арганізацыі паміж старшынёй і скарбнікам.
–e. Як на нас уплывае GDPR.

Feb
11
2018

11 сакавіка 2018 г. Штогадовы з’езд Беларусаў Швецыі

Сябры! Адзінае ў Швецыі афіцыйнае згуртаванне беларусаў і тых, хто цікавіцца Беларусьсю запрашае на чарговы штогадовы сход. Сход адбудзецца ў нядзелю 11 сакавіка ў традыцыйным ужо памяшканьні ў Gröndal (https://www.hitta.se/kartan?s=832ee791)

Канчатковая праграма правядзення сходу будзе апублікаваная пазней, але самае позняе за тыдзень да сходу.

Калі вы маеце жаданьне браць удзел у працы Рады ў наступным годзе, напішыце калі ласка паведамленьне на info@sverigesbelarusier.se як пазьней да 4 сакавіка.

Астатнія прапановы і пытаньні, якія вы жадаеце вынесьці на штогадовы сход, калі ласка, дасылайце на пошту ці пішыце тут у падзеі на працягу тыдня, да 18 лютага.

Нагадваем, што права галасаваць, а таксама абірацца маюць толькі сябры арганізацыі, што сплацілі ўнёскі за бягучы каляндарны год. Зрабіць гэта можна на наш банкаўскі рахунак ці наяўнымі пад час сходу. Памер унёска 100 крон.

Падрабязнасці – у Facebook падзее https://www.facebook.com/events/1774169976210603/

Запрашаем!

Apr
18
2017

Пратакол штогадовага з’езду 2017 (на швецкай мове)

Mar
12
2017

Плaн правядзеньня штогадовага зьезду Беларусаў Швецыі ў 2017 годзе

1. Адкрыццё штогадовага зьезду (пытаньне наконт правільна выкананай працэдуры скліканьня зьезду)
2. Зацьверджаньне павесткі дня
3. Абраньне старшыні зьезду
4. Абраньне сакратара зьезду
5. Абраньне адказнага за падрыхтоўку пратакола зьезду
6. Справаздача аб дзейнасьці
7. Эканамічная справаздача
8. Рэвізійная справаздача
9. Спыненьне паўнамоцтваў рады
10. Абмеркаваньне прапаноў з боку рады
11. Замацаваньне сяброўскага ўзносу
12. Абраньне:
a. Старшыні рады на адзін год
b. Касіра
c. Іншых сябраў рады, не меньш за 3, і не больш за 5 сяброў, плюс 3 намесьнікаў
d. Камісіі па вылучэньні кандыдатаў
e. Рэвізора
13. Іншыя выбары
a. Сяброў, якія маюць права подпісу
14. Іншыя пытаньні
a. Зьмены ў статут, якія былі зацьверджаныя на мінулым штогадовым зьездзе (у сакавіку 2016), калі яны пасуюць мэтам 2017
b. Прэзентацыя новага выгляду інтэрнэт-старонкі Беларусаў Швецыі.

Feb
21
2017

19 сакавіка 2017 г. Штогадовы з’езд Беларусаў Швецыі

Сябры! Адзінае ў Швецыі афіцыйнае згуртаванне беларусаў і тых, хто цікавіцца Беларусьсю запрашае на чарговы штогадовы сход. Сход адбудзецца ў нядзелю 19 сакавіка ў традыцыйным ужо памяшканьні ў Gröndal (https://www.hitta.se/kartan?s=832ee791)

А 16.30 пачнем з прагляду фільма Жыве Беларусь.
А 18.00 справаздача за мінулы год і выбары Рады арганізацыі. Сёлета прапануем праводзіць гэтую афіцыйную частку ў неафіцыйнае атмасфэры сяброўскае вячэры.

Калі вы маеце жаданьне браць удзел у працы Рады ў наступным годзе, напішыце калі ласка паведамленьне на info@sverigesbelarusier.se як пазьней да 18 сакавіка.

Астатнія прапановы і пытаньні, якія вы жадаеце вынесьці на штогадовы сход, калі ласка, дасылайце на пошту ці пішыце у Facebook падзеі на працягу гэтага тыдня, да 26 лютага.

Нагадваем, што права галасаваць, а таксама абірацца маюць толькі сябры арганізацыі, што сплацілі ўнёскі за бягучы каляндарны год. Зрабіць гэта можна на наш банкаўскі рахунак, які наш скарбнічы дадасьць у комэнтах ніжэй ці наяўнымі пад час сходу. Памер унёска 100 крон.

Падрабязнасці – у Facebook падзее https://www.facebook.com/events/1463066517058774/

Запрашаем!

Mar
30
2016

Плaн правядзеньня штогадовага зьезду Беларусаў Швецыі ў 2016 годзе

1. Адкрыццё штогадовага зьезду (пытаньне наконт правільна выкананай працэдуры скліканьня зьезду)
2. Зацьверджаньне павесткі дня
3. Абраньне старшыні зьезду
4. Абраньне сакратара зьезду
5. Абраньне адказнага за падрыхтоўку пратакола зьезду
6. Справаздача аб дзейнасьці
7. Эканамічная справаздача
8. Рэвізійная справаздача
9. Спыненьне паўнамоцтваў рады
10. Абмеркаваньне прапаноў з боку рады
11. Замацаваньне сяброўскага ўзносу
12. Абраньне:
a. Старшыні рады на адзін год
b. Касіра
c. Іншых сябраў рады, не меньш за 3, і не больш за 5 сяброў (уключая старшыню і касіра), плюс 3 намесьнікаў
d. Камісіі па вылучэньні кандыдатаў
e. Рэвізора
13. Іншыя выбары
a. Сяброў, якія маюць права подпісу
14. Іншыя пытаньні
a. Стратэгічны план 2016 (чарнавы варыянт)
b. Зьмены ў статут, якія былі зацьверджаныя на пазамінулым штогадовым зьездзе (у лютым 2015), калі яны пасуюць мэтам 2016.

Nov
25
2015

Артыкул-справаздача “Беларусаў Швецыі” з нагоды праектнага падарожжа “ForumSYD”

З 15 па 19 лістапада 2015 года адбылося праектнае падарожжа пад кіраўніцтвам арганізацыі “ForumSYD” з мэтай пашырэння практыкі і кантактаў сярод грамадскіх арганізацый краін Усходняга Партнёрства. У межах гэтага падарожжа прадстаўнікі некалькіх швецкіх арганізацый, у тым ліку і “Беларусаў Швецыі”, наведалі Кішынёў і Кіеў. Вось невялічкія замалёўкі пра кожную з краін.

Кішынёў, Малдова

Ужо ў перkk2шы дзень падарожжа апоўдні адбылася сустрэча прадстаўніка “Беларусаў Швецыі” з ажно пяццю беларусамі Малдовы. Напярэдадні вечарам і раніцай скантактаваліся з кіраўніцай “Беларускага Культурнага Руху Малдовы” Ганнай Мазур. Вельмі ўразіла, як за палову дня ў панядзелак сярод працоўнага тыдню ў яе атрымалася не толькі самой тэрмінова вылучыць вольны час, але і запрасіць на сустрэчу яшчэ чатырох сябраў дыяспары. Завіталі ў рэстарацыю традыцыйнай кухні Малдовы “La Plăcinte”, дзе сябры пачаставалі, не цяжка здагадацца, плачынтамі – пірагамі з бульбай і брынзай. Падчас нашай прыемнай, вясёлай і непрымушанай размовы, тым не менш, былі заўважаныя і падабенства, і адрозненні паміж суполкамі “Беларусаў Швецыі” і беларусаў Малдовы. Варта адзначыць, што сярод актыўных сяброў дыяспары ёсць тыя, хто прыехаў у Малдову 40 гадоў таму, напрыклад, рэдактар беларускамоўных перадач на “Тэлерадыё-Малдова” Генадзь Зеньковіч, і тыя, хто ў краіне зусім нядаўна. Як і ў Швецыі, большасць мерапрыемстваў арганізуецца на валанцёрскіх падставах у вольны час, галоўныя акцэнты – на мове, культурных падзеях і святкаванні традыцыйных беларускіх святаў. Таксама няма строгага абмежавання актыўнасці менавіта беларусамі, падзеі адчыненыя для ўсіх культур.

У той жа час, бkk1ачныя і адрозненні. Дыяспара Малдовы больш вялікая і разнастайная, у першую чаргу дзякуючы доўгаму супольнаму лёсу Беларусі і Малдовы ў складзе СССР, адсутнасці візаў паміж краінамі і рускай мове, якая з’яўляецца агульназразумелай для абедзвюх краін. Рэгулярна праводзяцца гурткі для дзяцей, не толькі па вывучэнні мовы, але і звычайныя творчыя, толькі з беларускай тэматыкай, напрыклад, маляванне арнаментаў, выраб упрыгожванняў для святкавання “Гукання вясны”. Вельмі адчулася, як розніца ў асабістых гісторыях большасці актыўных сяброў дыяспары адгукаецца на каштоўнасцях і падыходах да працы суполкі. Напрыклад, “Беларусы Швецыі” больш уважліва ставяцца да праваабарончых пытанняў, падтрымкі дэмакратычных каштоўнасцяў, аднаўлення цікаўнасці да гісторыі. Беларусы Малдовы падкрэсліваюць сваю апалітычнасць і ладзяць актыўнае супрацоўніцтва і з грамадскімі, і з дзяржаўнымі беларускімі ўстановамі.

Акрамя вышэйназванай, за два дні ў Малдове завіталі ў шмат іншых арганізацый, у тым ліку ў Інстытут па Правах Чалавека ў Малдове (IDOM), UNDP Moldova, філіялы швецкіх арганізацый Civil Rights Defenders і Individuell Människohjälp, Legal Resources Centre from Moldova (LRCM/CRJM) і East Europe Foundation. Супрацоўнікі і валанцёры IDOM, напрыклад, займаюцца прамоцыяй, падтрымкай і абаронай розных фундаментальных правоў чалавека, але факусуюцца ў першую чаргу на некалькіх больш вузкіх накірунках: правах людзей, якія жывуць з ВІЧ/СНІД; правах пацыентаў, у тым ліку з ментальнымі захворваннямі (у тым ліку абарона ў выпадках недобрасумленнай медыцынскай дапамогі); таксама правах людзей, якія знаходзяцца ў месцах часовага зняволення. Іншая арганізацыя, East Europe Foundation, з’яўляецца фондам, які перанакіроўвае грошы ад некалькіх буйных донараў (напрыклад SIDA і DANIDA) на больш дробныя праекты ў Малдове (50-100 праектаў рознай працягласці актыўныя на сённяшні дзень), якія датычацца адной з 7 актуальных праграм EEF: грамадзянскай актыўнасці, сацыяльнага прадпрымальніцтва, развіцця медыяў, лакальнага развіцця, моладзевых банкаў ці ўразлівых груп (дзяцей, ахвяр хатняга гвалту, людзей з абмежаванымі магчымасцямі і г.д). Кульмінацыяй візіту ў Малдову стаў удзел швецкай дэлегацыі ў Каардынацыйнай сустрэчы грамадскай супольнасці, арганізаванай пасольствам Швецыі ў Малдове. Акрамя нас, у сустрэчы прынялі ўдзел больш за 20 арганізацый Скандынавіі, Заходняй Еўропы і Малдовы, а прадстаўніца Еўракамісіі прэзентавала праграму “EU Roadmap for Engagement with Civil Society.”

Кіеў, Украіна

У Кіеў прыkk3ляцелі раніцай 18га, і ўжо праз некалькі гадзін завіталі ў дзве невялічкія, але вельмі актыўныя ўкраінскія НДА, Convictus і Studena, якія працуюць з пытаннямі гвалту на падставе гендэрнай дыскрымінацыі. Для Studena, напрыклад, адным з галоўных накірункаў дзейнасці з’яўляецца абарона правоў жанчын у арміі, а Convictus працуе з людзьмі, залучанымі ў сэкс-бізнэсе: як з работнікамі (жанчынамі, мужчынамі і трансгендарамі), так і з кліентамі. Вялікая ўвага надаецца пытанням прафілактыкі ВІЧ, рэінтэграцыі ў грамадства пасля турмы ці ўдзелу ў баявых дзеяннях. Асобным праектам для Convictus стаіць праца з трансгендарамі (не толькі тымі, хто неяк датычыцца сэкс-бізнэсу, а наогул), якія ва Ўкраіне адчуваюць зараз вялікую адасобленасць ад астатняй ЛГБ-супольнасці. Для трансгендараў (якіх зараз сярод кліентаў Convictus налічваецца каля 140) разам з кіеўскай грамадскай арганізацый трансгендараў “HPLGBT” арганізуюцца трэнінгі на тэму ўпэўненасці, самавыяўлення і аховы здароўя. Большасць праграм Convictus ажыццяўляецца ў Кіеве, але арганізацыя дапамагае сваім партнёрам па ўсёй Украіне экспертнымі ці трэнінгавымі матэрыяламі.

Што датычыцца сустрэч з беларускімі арганізацыямі ў Кіеве, то тут іх адбылося можна сказаць ажно тры. Першую зладзілі ўвечары 18га з украінцам – заснавальнікам і лідарам гуртку беларускай мовы. Гурток наведваюць галоўным чынам украінцы, якія цікавяцца мовай і культурай суседняй краіны, але апошнім часам далучылася і некалькі беларусаў.  Мовы падобныя, таму гурток ладзіцца ў фармаце размоўнай кавярні і звычайна праходзіць акурат у кавярні. Акрамя звычайных сустрэч, “БілРозмовКлуб” (“БелРазмоўКлуб”) прымае ўдзел у Днях беларускай літаратуры ва Ўкраіне і іншых мерапрыемствах, а таксама арганізуе свае. Напрыклад, 26 лістапада, з нагоды Дня Народзінаў Уладзіміра Караткевіча адбудуцца традыцыйныя чытанні яго творчасці каля помніка ў Кіеве, дзе, дарэчы, таксама знаходзіцца універсітэт, у якім Караткевіч пачаў пісаць на беларускай мове.

З 19 па 21 лістапада ў Кіеве праходзіў штогадовы Форум грамадзянскай супольнасці краін (а чаму краін тады з маленькай?:)) Усходняга Партнёрства, на які завіталі і лідары грамадскіх арганізацый з Беларусі. З імі давялося сустрэцца апоўдні 19га лістапада. Першая частка сустрэчы мела галоўным чынам характар абмену кантактамі, а сярод удзельнікаў былі такія волаты грамадскага сектару Беларусі, як Святлана Каралёва (Старшыня Каардынацыйнага камітэта Форуму, ранейшая генеральная сакратарка Нацыянальнага савета дэмакратычных моладзевых арганізацый і ініцыятываў Беларусі “РАДА”), вядомая праваабаронца Алена Танкачова, Ігар Рынкевіч, Улад Вялічка і іншыя. Другая частка сустрэчы адбылася ўжо з моладзевымі актывістамі, дзе мы не толькі абмяняліся кантактамі, але адразу абмеркавалі магчымыя тэматыкі для супрацоўніцтва, і правялі нешта накшталт дробнага брэйншторму наконт пэўных праектаў, якія “Беларусы Швецыі” могуць зладзіць разам з моладзевымі НДА з Беларусі.

Традыцыйна ўжо, завяршыўся дзень сустрэчай у пасольстве Швецыі ва Ўкраіне, а таксама цудоўнай вячэрай у рэстаране ўкраінскай кухні “Опанас”. Двое з удзельнікаў падарожжа засталіся ў Кіеве 20 і 21 лістапада, каб прыняць удзел у Форуме, а тры, у тым ліку і прадстаўніца “Беларусаў Швецыі”, раніцай 20 лістапада вярнуліся ў Стакгольм.

Коратка пра астатнія швецкія арганізацыі, якія прынялі ўдзел у падарожжы

ForumSYD

http://www.forumsyd.org/

ForumSYD – гэта незалежная пазапалітычная парасонкавая арганізацыя, якая з’яўляецца найвялікшай платформай грамадзянскай супольнасці Швецыі і ажыццяўляе дапамогу ў развіцці ў кантэксце правоў чалавека. У склад ForumSYD уваходзіць прыблізна 160 арганізацый у Швецыі, але працуе арганізацыя па ўсім свеце, у тым ліку мае беларускі філіял, які знаходзіцца ў Вільні.  У гэтым праекце “ForumSYD” выступіла ў якасці арганізатара і фасілітатара падарожжа, а супрацоўнікі таксама ўзялі ўдзел у Форуме грамадзянскай супольнасці, які праходзіў у Кіеве з 19 па 21 лістапада.

FN-förbundet (UN-association Sweden)

http://www.fn.se/

FN-förbundet працуе пад брэндам United Nations і ў якасці асноўных напрамкаў сваёй дзейнасці ставіць менавіта прамоцыю каштоўнасцяў ААН, адпаведных ведаў і практык. Але ў той жа час яна не з’яўляеца філіялам ААН і не атрымлівае ад іх фінансавай падтрымкі. Дзейнасць ажыццяўляецца праз шэраг доўга- і кораткатэрміновых праектаў, якія падаюцца ў розныя фонды. У арганізацыі на дадзены момант некалькі тысяч сяброў, каля 100 лакальных аддзяленняў па ўсёй Швецыі і каля 30 школ. Галоўнай мэтай падарожжа супрацоўніца FN-förbundet ставіла ўсталяванне кантактаў з іншымі арганізацыямі пад брэндам UN, якія працуюць у Малдове і Украіне, пошук менавіта незалежных UN-ассацыяцый ці арганізацый, якім было б цікава на сваёй базе такія асацыяцыі стварыць.

Män för jämställdhet (Men for Gender Equality)

http://www.mfj.se/

Гэтая арганізацыя спрабуе падняць пытанні гендарнай роўнасці паміж мужчынамі і жанчынамі з новага пункту гледжання. Звычайна ў фемінісцкіх арганіз
ацыях, ці ў цэнтрах дапамогі ахвярам хатняга гвалту, ці ў іншых арганізацыях, якія займаюцца правамі жанчын і мужчын, уся праца накіравана на жанчыну – то бок ахвяру, у той жа час як мужчыны, якія ў большасці выпадкаў з’яўляюцца выканаўцамі агрэсіі, застаюцца без увагі і працягваюць жыць са сваім і стэрэатыпамі ў галаве, і са сваімі невыказанымі праблемамі. Арганізацыя “Men for Gender Equality” накіроўвае вектар сваёй дзейнасці менавіта на мужчын, праводзіць для іх трэнінгі, ладзіць тэлефон і чат даверу, а таксама іншыя праекты. Сярод супрацоўнікаў НДА прыблізна роўная колькасць мужчын і жанчын, ўжо некалькі год вядуцца сумесныя праекты ў Расіі і Беларусі. У межах падарожжа супрацоўніца “Men for Gender Equality” ставіць сваёй мэтай прааналізаваць, як грамадскія арганізацыі Малдовы і Украіны працуюць з пытаннямі гендарнай роўнасці, а таксама ўсталяваць кантакты для новых праектаў.

PRO Sverige

http://pro.se/

Гэтая недзяржаўная арганізацыя, якая аб’ядноўвае пенсіянераў Швецыі, з’яўляецца філіялам міжнароднага аб’яднання PRO Global. У Швецыі на сённяшні дзень прыблізна 400.000 чалавек з’яўляюцца сябрамі НДА, якія дапамагаюць аднаму ці некалькім дробным яе філіялам. Галоўныя мэты PRO Sverige – павышэнне актыўнасці пенсіянераў у Швецыі. Робіцца гэта праз шматлікія культурныя, спартыўныя і адукацыйныя мерапрыемствы, гурткі, сумесныя падарожжы. Усе гэтыя праекты збіраюць штогод прыблізна 1,4 мільёны ўдзельнікаў толькі ў Швецыі. У падарожжы прадстаўнік PRO Sverige таксама шукаў новыя кантакты і перспектывы супрацоўніцтва з арганізацыямі краін Усходняга Партнёрства.

Ірына Азаранка

Oct
27
2015

Адбылася сустрэча з Міколам Статкевічам

MikolaS151026
26 кастрычніка ў Стакгольме адбылася сустрэча Міколы Статкевіча з тымі, хто цікавіцца сітуацыяй у Беларусі. У сустрэчы й размове ўзялі ўдзел таксама сакратар Сацыял-Дэмакратычнай партыі Швецыі Карын Емцін і старшыня Остгруппен за демакратыю й правы чалавека Марцін Угля. Перакладаў па шведску й беларуску першы амбасадар Швецыі ў Беларусі Стэфан Эрыксан.

Спадар Мікола распавёў пра свой час у зьняволяньні, падзякаваў за падтрымку й выказаў пажаданьне, каб палітыкі ў Эўропе на справах паказвалі, што дэмакратыя й правы чалавека ня ёсьць пустым гукам, як тое імкнуцца прадставіць улады Беларусі й Расеі. Пасьля ён адказаў на пытаньні прысутных, у тым ліку значнай групы сябраў Аб’яднаньня Беларусаў Швецыі.

Паглядзець запіс сустрэчы можна тут