Пра нас

Гісторыя стварэння суполкі

Неафіцыйна згуртаванне беларусаў у Швецыі існуе даўно і мае пэўный традыцыі. Але фармальна аб’яднаць суполку мы змаглі толькі у кастрычніку 2009 года. Для гэтага значную працу правяла ініцыятыўная група, якая падрыхтавала праект Статута суполкі, распрацавала мэты, сімволіку  і парадак працы арганізацыі.

24 кастрычніка 2009 года ў Стакгольме адбыўся устаноўчы сход беларусаў Швецыі. Сход абмеркаваў і прыняў Статут згуртавання, сімволіку арганізацыі, а таксама абраў Раду суполкі. 24 кастрычніка лічыцца афіцыйным Днём стварэння суполкі.

23 лістапада 2009 года Згуртаванне Беларусаў Швецыі было афіціыйна зарэгістравана ў падаткавай інспекцыі Швецыі. Наш арганізацыйны нумар 802449-2129.

Наша ідэялогія, місія і мэты

Наша суполка – згуртаванне беларусаў розных узростаў і прафесій. Шмат хто з нас ужо жывуць у Швецыі дастаткова доўгі час.

Згуртаванне не мае дакладна вызначанага палітычнага ці рэлігійнага профіля. Наша ідэалогія заснавана на бачанні Беларусі як краіны, якая развіваецца ўстойліва. Устойлівасць гэтага развіцця мы бачым як гарманічнае спалучэнне экалогіі і чалавечага дабрабыту. Мы лічым еўрапейскія каштоўнасці як аснову для будучыні беларусаў і Беларусі.

Еўрапейскія каштоўнасці былі і застаюцца дамінантай наша гістарычнага развіцця, нашай мовы і культуры.

Наша суполка зыходзіць з таго, што беларусы – гэта вялікі еўрапейскі народ, лёс якога з’яўляецца часткай нашай агульнай еўрапейскай гісторыі. Беларусы вынеслі на сваіх плячах мноства еўрапескіх войнаў, уключаючы барацьбу супраць фашызму падчас другой сусветнай вайны. Біблія на беларускай мове друкавалася ў Еўропе ужо ў першай палове 16 стагоддзя. Беларусы ніколі не пачыналі войнаў, жылі і сябравалі са сваімі суседзямі і пачэсна і шчыра працавалі дзеля агульнага еўрапейскага міру і дабрабыту.

Наша дзейнасць накіравана на тое, каб Беларусы Швецыі маглі б унесці свой уклад у справу ўстойлівага рэгіёна Балтыйскага мора, Усходняй Еўропы і Еўрапейскага кантынента ў цэлым.

Наша бачанне ролі Згуртавання – стаць народнай амбасадай беларусаў у Швецыі.

Наша місія – судзейнічаць стварэнню платформы для інтэракцыі беларусаў, якія жывуць у Швецыі і спрыяць іх дачыненню і інтэграцыі ў шведскае грамадства, глабальную беларускую дыяспару і падтрыманню кантактаў з нашай бацькаўшчынай Беларуссю.

Нашы мэты

  • Аб’ядноўваць і ствараць кантакную платформу для беларусаў, якія жывуць у Швецыі
  • Абараняць інтарэсы беларускай этнічнай меншасці ў Швецыі
  • Спрыяць развіццю кантактаў паміж народамі Швецыі і Беларусі
  • Спрыяць захаванню беларускай мовы і ідэнтычнасці
  • Весці педагагічную дзейнасць у галіне літаратуры і навукі
  • Спрыяць устойліваму развіццю Беларусі
  • Распаўсюджваць веды і абуджаць грамадскую думку вакол Беларусі ў Швецыі

4 Comments to “Пра нас”

  1. By zhenya_ren, Верасень 15, 2010 @ 10:26

    Не очень активное объединение? На форуме ни одной темы.. Что же так?

    (Прабачце за маю расейскую)

  2. By Alex, Кастрычнік 19, 2010 @ 16:56

    Prabačcie Ženia, da hetul forum na našam sajcie nie pracavaŭ z techničnaje nahody, ale ad siońnia my atrymali pracujučy forum! Kali łaska dalučajciesia da abmierkavańnia!

  3. By Пятрусь Капчык,Украіна, Травень 8, 2011 @ 20:41

    Добры вечар,шаноўныя беларусы ды беларускі Швецыі! Толькі што з задавальненьнем
    прачытаў справаздачную замалёўку старшыні Рады Беларусаў Швецыі спадара Юрася
    Кажуры пра беларускі тыдзень у Стакгольме з удзелам амбасадара Швецыі ў Менску
    Эрыксана і музыкаў,пазайздросьціў па-добраму вам!Са спадаром амбасадарам я раз-
    маўляў па-беларуску пад час удзелу ў рабоце 5 зьезду МГА”ЗБС”Бацькаўшчына”ў лі-
    пені 2009 году,ён мне падаўся вельмі адукаваным і культурным чалавекам,і мне вельмі
    захацелася хаця б на тыдзень патрапіць у краіну,у якой вы зараз мешкаеце(жывяцё).
    Я маю скайп,па якому можна было б абменьвацца думкамі і г.д.Калі сярод вас знойдзе-
    цца асоба,якая захоча пасябраваць са мною,буду вельмі рады гэтаму! З павагай і ша-
    цункам да ўсіх вас – Пятрусь Капчык,г.Ізяслаў Хмяльніцкая вобласьць Украіна.

  4. By Tatyana Rasmussen, Верасень 23, 2011 @ 11:51

    Hello
    My name is Tatyana.Ya live in Denmark, but I am from Minsk.I embroider costumes and weaving the national belt.Look at my work can be on my web site
    http://www.slavianka.dk/?p=productsList&iCategory=79&sName=National-Costume
    If you are interested in my work and something you want to buy, or to order write me or call (Tania Rasmussen phone +45 28 31 98 75)
    with respect Tanja Rasmussen
    Tatyana Rasmussen
    Gersagerparken 173, 1TH
    2670 Greve
    Denmark

    Дзень добры.
    Мяне клічуць Tatyana.Я жывуць у Даніі, але я родам з Mенску.Я вышываю нацыянальныя касцюмы і тку нацыянальныя паясы.Паглядзець на маю працу можна на маім сайце
    http://www.slavianka.dk/?p=productsList&iCategory=79&sName=National-Costume
    Калі вы зацікаўлены ў маёй працы, i жадаеце штос ці набыць, ці замовіць пішыце мне на мой е-мail,альбо тэлефануйце па тэлефоне (Таня Расмусэн тэлефоне 45 28 31 98 75)

    з павагай Таня Расмусэн

RSS стужка каментароў да гэтага запісу.

Leave a Reply